WANANCHI KATA YA NZIHI JIMBO LA KALENGA WAMPONGEZA MBUNGE MGIMWA WASEMA NI MBUNGE HAWATAKI MWINGINE, MWENYEWE AWATAKA KUTOA USHIRIKIANO ZAIDI

Wazee kijiji cha Nyamihuu wakimpa baraka na kumpongeza mbunge  Mgimwa  kwa uchapa kazi wake 

MBUNGE  wa jimbo la Kalenga Bw Godfrey Mgimwa amesema atahakikisha anafanya kazi na  vyama  vyote vya  siasa na  kuwa kuwataka  wananchi wa  jimbo la Kalenga kuachana na makundi  ya vyama vya siasa na kuunagana  pamoja  ili  kufanikisha  jimbo hilo kupiga hatua kubwa ya kimaendeleo.

Mbali ya  kuwataka kuachana na makundi  ya kisiasa  pia amewataka  waliokuwa  wagombea  wa nafasi za ubunge katika uchaguzi mdogo  kupitia  CCM kuacha  kujipitisha  kwa  sasa kwa  wananchi na badala yake kusubiri uchaguzi mkuu mwaka 2015.

Akizungumza kwa nyakati  tofauti katika  mikutano yake ya hadhara  kwa lengo la kuwashukuru wananchi kwa  kumchagua na leo katika kata ya Nzihi ,mbunge huyo  alisema kuwa amelazimika  kuomba ruhusa bungeni kwa  spika  ili kurudi  kuwashukuru  wananchi hao hasa  kutokana na upendo mkubwa ambao  wananchi wa jimbo hilo  walionyesha kwake.

"Ndugu  zangu nilianza  kuzunguka katika baadhi ya maeneo  na kutekeleza ahadi  mbali mbali hata kabla ya  kuapishwa  rasmi  bungeni ......na nitajitahidi kulingana na uwezo wangu  ili kuona natimiza wajibu  wangu kwenu na kamwe  sitawaangusha ndani ya bunge na nje ya  bunge"

Hivyo  aliwataka  wananchi  kwa umoja  wao kuendelea  kumuombea afya  njema  ili kufanikisha  kutimiza ndoto  yake ya  kufikisha maendeleo  katika  jimbo hilo ikiwa ni pamoja na kutimiza sehemu kubwa ya ahadi ambazo zilitolewa na marehemu Dr Wiliam Mgimwa aliyekuwa  mbunge  wa  jimbo  hilo.

Kuhusu  suala la kuyawezesha makundi mbali mbali Mbunge Mgimwa  aliwataka  wananchi  kujiunga na vikundi  vya VICOBA ili  kuviwezesha  vikundi  hivyo  kiuchumi zaidi badala ya  kuwa mtu mmoja mmoja na kuwataka  wazee  pia  kuanzisha umoja  wao na  kupeleka mahitaji yao katika  ofisi  yake.

"Kuna  vikundi  vya VICOBA ambavyo tayari  vimeanzishwa na   moja kati ya  vikundi  hivyo  tayari  nimechangia kiasi  cha Tsh 500,000 na nitaendelea  kuchangia na kuna eneo ambalo marehemu mbunge wetu aliyepita aliahidi kuchangia milioni 1 katika  kikundi cha VICOBA Magubike nasema  fedha  hizo  nitazitoa  mimi "

Alisema  kuwa tayari ameanza  kupigania  suala la umeme na maji katika  vijiji  vya jimbo la Kalenga  bungeni na kuwa  mawaziri wa  wizara  hizo  wameahidi  kulifanyia kazi na kuendelea kusaidia miradi hiyo mikubwa ambazo ndizo ahadi  kubwa  zaidi.

Awali  wananchi  wa kijiji cha Magubike  walimpongeza mbunge  huyo na  kuwa katika historia ya  jimbo la Kalenga  hawajapata kuwa na mbunge mkweli na mchakakazi kama  huyo na kurudi mapema zaidi kwa wananchi kuwashukuru na hivyo kumhakikishia  kuwa hawana mpango wa kumchagua mbunge mwingine mwaka 2015 na kukiomba chama cha mapinduzi kumbariki kuendelea  kuongoza jimbo hilo .

Kwa  upande  wake katibu mwenezi wa CCM wilaya ya Iringa Denis Lupala alisema  kuwa utendaji kazi mzuri wa mbunge  huo ndio ambao unakishawishi  chama kuendelea  kumpa ushirikiano zaidi na kuwa wananchi hawana sababu ya kubabaishwa na wapinzani ambao  wameanza kujipitisha katika  jimbo hilo.

MBUNGE MGIMWA AANZA KUTIMIZA AHADI ZA MAREHEMU BABAKE KWA KASI KUBWA

'Hongera  sana mheshimiwa kweli umeanza kwa mfano "

Katibu mwenezi wa CCM wilaya ya Iringa Denis Lupala kulia akimpongeza diwani wa kata ya Nzihi kwa kazi nzuri 

Wananchi wa Ilala  Simba  wakimsikiliza mbunge Mgimwa 

Uongozi wa kijiji cha Ilala Simba  ukimkabidhi mbunge Mgimwa risala yao 

Mbunge Mgimwa akikabidhi mipira  kijiji cha Ilala  Simba leo 

Sehemu ya  saruji  iliyotolewa  leo na mbunge Mgimwa 

Mbunge  wa  jimbo la Kalenga Godfrey Mgimwa akiwahutubia wakazi wa kijiji cha Nyamihuu katika  ziara  yake ya  kuwashukuru na kupokea  changamoto mbali mbali 

Mmoja kati ya  wazee  walemavu kijiji  cha Nyamihuu kalenga  akimwomba mbunge Mgimwa msaada wa baiskeli ya  walemavu 

Kiongozi wa  serikali ya  kijiji cha Nyamihuu akipokea mipira kwa ajili ya kuendeleza michezo kwa  vijana

Wazee kijiji cha Nyamihuu wakimpa baraka na kumpongeza mbunge  Mgimwa  kwa uchapa kazi wake 

Bw  Kiswaga  akimpongeza mbunge Mgimwa kwa kuonyesha usikivu mkubwa kwa wananchi 

Wananchi wa kijiji cha Nyamihuu wakimshangilia mbunge Mgimwa  leo 

Wananchi wa Kidamali  wakimsalimia mbunge Mgimwa leo  huku  wakifurahia utendaji kazi wake 

Mbunge Mgimwa akifurahi na  watoto wa kijiji cha Kidamali  waliofika  kumsalimia 

Mbunge Mgimwa akisalimiana na  wananchi pamoja na watoto  waliomng'ang'ania leo amini ni mbunge  wa  wote 

Diwani wa kata ya Nzihi Stivin Mhapa akimpongeza mbunge Mgimwa  leo 

Wananchi wa Kidamali  wakimsikiliza mbunge Mgimwa kwa umakini mkubwa 

Katibu mwenezi wa CCM Iringa Danis Lupala akimkaribisha mbunge Mgimwa  leo 

Mbunge Mgimwa akiwashukuru  wakazi wa Kidamali 

Mbunge Mgimwa  kulia akikabidhi mipira kwa vijana leo 

Mbunge Mgimwa  kulia akikabidhi msaada wa  saruji mifuko 50 kwa ajili ya kuchangia ujenzi kijiji cha Kidamali leo 

Mbunge Msigwa akikabidhi fedha  taslimu kiasi cha Tsh 500,000 kuchangia  michezo na ujenzi wa  soko 

Mbunge Mgimwa akisalimiana na  wananchi wa kidamali  leo 

Mwenyekiti wa serikali ya kijiji cha Magubike Bi Lenatha Mbilinyi kushoto akipokea msaada wa saruji mifuko 100 kutoka kwa mbunge wa jimbo la Kalenga Godfrey Mgimwa leo ,wanaoshuhudia  kulia ni katibu menezi wa CCM wilaya Denis Lupala na diwani wa kata ya Nzihi katikati Bw Stivin Mhapa

........................................................................................

MBUNGE  wa jimbo la Kalenga mkoani Iringa  Godfrey Mgimwa ameanza  kutimiza ahadi  zake kwa  wananchi  wa  jimbo la kalenga  kwa  kukabidhi mifuko zaidi ya 150 ya  saruji katika  kijiji cha Magubike na kijiji cha Kidamali kata ya Nzihi  yenye  thamani  ya zaidi ya Tsh milioni 2.5

Saruji  hiyo mifuko 100 kwa ajili ya  kusaidia ujenzi wa jengo la utawala shule ya  sekondari Dimitrios katika  kijiji  cha Magubike  na mifuko 50 kwa ajili ya shule ya sekondari Kidamali.

Mgimwa alisema kuwa lengo la kutimiza ahadi  yake  hiyo ni kama njia ya  kuwashukuru  wana Kalenga kwa kumchagua katika uchaguzi mdogo uliofanyika hivi karibuni pia kutimiza ahadi mbali mbali binafsi ambazo alizitoa mbunge aliyefariki marehemu Dr Wiliam Mgimwa.

Alisema ataendelea  kutimiza ahadi  binafsi zilizotolewa na marehemu Dr Mgimwa kulingana na uwezo  wake  na zile  za  kitaifa ambazo zipo katika Ilani ya CCM atahakikisha anaikumbusha  serikali  ya CCM ili  kutimiza ahadi hizo kwa  wakati.

“Ndugu  zangu wananchi  mbali  ya  kuwa  ubunge  wangu ni  wa  mwaka mmoja  ila  tayari  mimeanza  kutimiza ahadi  bila  ya kuchelewa  na  ninawahakikishieni  sita  waangusha  nitaendelea  kufanya  hivyo  zaidi  mniombee  uzima”

Alitaja  maeneo  ambayo tayari  amekabidhi  ahadi  zilizotolewa na mbunge aliyefariki  kuwa ni pamoja  na Kiwere shule ya msingi mifuko 80 ya saruji,shule  ya msingi wangama bati 100 na  saruji mifuko 50,shule ya msingi Negabii bati 100 ,shule ya msingi Mibikimitali bati 50 ,Kijiji cha Isupilo bati  50 na saruji mifuko 50 na maeneo mingine mengi.

Pia amekabidhi kiasi cha  Tsh 500,000 kwa ajili ya kuchangia kuwezesha  kusajili  timu ya  kata ya Nzihi na nyingine  kwa ajili ya ukarabati wa soko

FAMILIA YA JAMES MWAISUMBE IRINGA NA MBEYA ,INAMKUMBUKA MAMA YAO MPENDWA GRINA JAMES MWAISUMBE NI MWAKA MMOJA SASA

Familia ya James Mwaisumbe ya Iringa na Mbeya inapenda  kuwashukuru  wote  walioshiriki mazishi ya mama yao mpendwa na pia  wale  wote  wanaoendelea  kuelekeza maombi yao kwa famili  hii.

Ikumbukwe ni Tarehe 1/6/2013 ndipo mpendwa  wetu Grina James Mwaisumbe alipotutoka hapa duniani na  sasa  kesho  jumapili anafunga mwaka mmoja toka alipotutoka ,hivyo familia inaendelea kumwombea na kumkumbuka  kutokana  na ucheshi wake na ukarim na upendo mkubwa alioonyesha enzi  za uwepo  wake hapa duniani.

Grina anaendelea  kukumbukwa na mume  wake mpendwa mchungaji James Mwaisumbe ,watoto Frank ,Mpeli ,Tukuswiga,Neema, Anna na  wajukuu zako wote pamoja na ukoo wote wa akina Mwaisumbe na Msika popote  walipo.

Tunaendelea  kuamini  kuwa tulikupenda  sana na ulitupenda  zaidi ila Mungu muweza wa  yote amekupenda  zaidi yetu  hivyo hatuna budi kuendelea kukuombea kwa Mungu .

Zaidi tutaendelea kuenzi yale  yote  uliyoonyesha  enzi za uhai  wake  ikiwa ni pamoja na kuishi vema na  watu .

Bwana alitoa na Bwana ametwaha  jina lake na lihimidiwe  milele  Yote

Amina

SERIKALI KUENDELEA KUWATHAMINI WAZEE NCHINI

Na Eleuteri Mangi

Uzee na kuzeeka ni dhana inayoelezea hatua ya mwisho ya makuzi ya binadamu kuanzia utoto, ujana hadi kufika hatua ya mwisho ya makuzi ambayo ni uzee. 

Binadamu ni miongoni mwa viumbe hai ambao hupitia hatua hizo katika makuzi yake, mwanasikolojia Erick Erickson aliyeishi kati ya miaka ya 1902-1994 amebaisha kuwa binadamu hupita hatua nane za makuzi hayo ikiwemo hatua ya uzee.

Kulingana na Erickson, Uzee ni hatua ya nane na ya mwisho katika maisha ya mwanadamu, hatua ambayo umri wake unaanzia na miaka 65 na kuendelea amabapo hutawaliwa kwa hekima, busara na kupungukiwa na nguvu za kufanya kazi ngumu kupita uwezo wao.

Katika nchi zilizoendelea kama Uingereza na Marekani, suala la uzee linahusishwa na umri wa kustaafu ambao ni miaka 65.

Katika nchi nyingine umri wa kustaafu unatofautiana kijinsi, kwa mfano, nchini Latvia wanaume wanastaafu wakiwa na miaka 55 wakati wanawake wanastaafu wakiwa na umri wa miaka 60. 

Hapa Tanzania mtu anaitwa mzee kutokana na ama umri mkubwa, majukumu aliyonayo na pia hadhi yake, kwa mfano mkuu mahali pa kazi au katika ukoo. 

Mwandishi wa makala haya anatumia dhana ya wazee tulionao katika nchi yetu kuwa aidha walikuwa wanafanya kazi za kuajiriwa au kujiajiri au ni wale walioko vijijini ambao kuzeeka kwao ni matokeo ya kupungukiwa nguvu za kufanya kazi. 

Tanzania pamoja na ukweli kwamba watumishi walio katika Serikali na Taasisi zake wanastaafu wanapofikia miaka 60 na kwamba wazee wa vijijini na wale waliojiajiri wanakoma kufanya kazi kutokana na kuishiwa nguvu, ukweli unabaki kwamba binadamu mwenye umri wa miaka 60 anaonyesha dalili za hatua hiyo.

Kama mataifa ya dunia hii, Tanzania inajali na kutambua umuhimu wa wazee ikiamini kuwa wao ni kisima cha hekima na busara katika Maisha ya kijamii na taifa.

Ni ukweli usiopingika kuwa “wazee ni hazina”, jambo ambalo linatuaminisha palipo na wazee haliharibiki jambo kwani wao ni rasilimali na ni hazina kubwa ya maendeleo.

Rais wa Jamhuri ya Muungano wa Tanzania Dkt. Jakaya Mrisho Kikwete kwa kutambua umuhimu wa wazee amekuwa na desturi ya kuwatumia mara kwa mara katika kutekeleza majukumu yake kitaifa na kimataifa.

Rais Kikwete anamini juu ya usemi wa “wazee ni hazina” na amekuwa akiongea nao kila anapoona ni muda muafaka kufanya hivyo.

Ipo mifano hai ya Rais Kikwete alipozungumza na wazee hao ikiwemo Mei 03, 2010 aliongea na wazee wa mkoa wa Dar es salaam juu ya mkutano wa kimataifa kuhusu masuala ya uchumi uliofanyika nchini Mei 05 hadi 07, 2010.

Mwaka huo huo aliongea na wazee wa Dar es salaam mnamo Julai 30, 2010 ambapo mara hii Rais Kikwete alikutana Ikulu na wazee wakongwe wa kivita nchini na wanachama wa Tanzania Legion and Club kuhusu masuala yao ikikumbukwa kuwa wazee hawa walilitumikia taifa lao kwa  umahiri mkubwa. 

Wazee hawa vili vile ni washauri wakuu na walinda amani. Hali hii inadhihirika kunapotokea migogoro mabilimbali katika jamii nyingi ambapo wazee hutumika kama hatua za awaali katika kusuluhisha na hatimaye kupata ufumbuzi wa migogoro hiyo.

Kwa kuwajali, kuwalinda na kuwathamini, Umoja wa Mataifa umetenga siku ya tarehe Oktoba Mosi ya kila mwaka kuwa ni Siku ya Wazee Duniani.

Siku hii imetengwa kufuatia uamuzi wa Baraza la Usalama la Umoja wa Mataifa kuhusu Wazee katika azimio Na.46 la mwaka 1991. 

Nafasi hii imetengwa ili kuyawezesha mataifa kutafakari nafasi ya wazee katika jamii kwa kuzingatia mahitaji, matatizo na ushiriki wao katika maisha ya kila siku.  

Tanzania ambayo ni nchi mwanachama wa Umoja wa Mataifa, imekuwa ikiadhimisha siku hii kitaifa kila mwaka ambapo mwaka huu ilifanyikia wilaya ya Korogwe mkoani Tanga.

Kwa kawaida siku ya Wazee Duniani huadhimishwa kwa kuzingatia ujumbe maalumu wa mwaka ambao ni dira na kichicheo chenye dhana ya uhamasishaji kwa wananchi.

Lengo kubwa ni kuwawezesha kupata ufahamu na hatimaye kuweka mikakati ya utekelezaji wa masuala muhimu yaliyoamuliwa Kitaifa na Kimataifa.

Maadhimisho ya mwaka jana yaliongozwa na kauli mbiu iliyotafsiriwa na wazee wenyewe iliyosema “Matarajio ya Wazee ni Heshima, Usalama na Maisha Bora” tafsiri waliyoitoa kutoka kauli mbiu iliyotolewa na Umoja wa Mataifa “The future we want: what elder persons are saying”.

Kama taifa hatunabudi kujikumbusha na kutafakari maneno ya busara yaliyotamkwa na aliyekuwa Kaibu Mkuu wa Umoja wa Mataifa Koffi Anan, “Huwezi kufurahia usalama bila maendeleo, hatuwezi kufurahia maendeleo bila usalama na hatuwezi kufurahia hivyo vyote bila kuheshimu haki za binadamu”

Katika kuadhimisha siku ya Wazee Duniani, kuna mambo ambayo Tanzania kama taifa imefanya juhudi na itaendelea kufanyia kazi kama kauli mbiu ya mwaka huu inavyojieleza.

Nchi yetu imekuwa ikizingatia misingi ya sheria na utawala bora na hivyo kudumisha amani, heshima na kujali maisha ya watu wake. 

Katika kuadhimisha siku ya Wazee Duniani mwaka huu, Makamu wa Rais wa Jamhuri ya Muungano wa Tanzania Dkt. Mohamed Gharib Bilal, alisema kuwa nia ya Serikali ya kupambana na vitendo vya uvunjifu wa amani katika nchi yetu bado ipo palepale.

Dkt. Bilal alisisitiza, “Nawasihi Watanzania wote tushirikiane bega kwa bega na Serikali katika kujenga, kulinda na kudumisha amani kwa wazee”. 

Katika kuadhimisha Mwaka wa Kimataifa wa Wazee (1999) Serikali ilifanya maamuzi ya kuwa na Sera ya Taifa ya Wazee. 

Maamuzi ya kuwa na Sera hii ni kielelezo cha dhamira hai na dhati ya Serikali ya kuweka masuala ya wazee katika agenda ya maendeleo ya nchi yetu. 

Serikali inatambua kwamba wazee wetu wanakabiliwa na changamoto mbalimbali ikiwa ni pamoja na umaskini, kutotosheleza kwa huduma za afya, pensheni na kutoshirikishwa katika maamuzi muhimu yanayohusu maendeleo ya nchi yao.  

Pamoja na hali hii, Serikali inatambua kwamba wazee ni raslimali na nguvu mpya katika maendeleo ya nchi. Jitihada zitaendelea kuwekwa kuhakikisha kwamba wazee wanatambuliwa na wanapata fursa ya kushiriki katika shughuli za maendeleo ya nchi yao sanjari na wananchi wengine. 

Kuwapo kwa Sera ya Taifa ya Wazee ni hatua ngeni kwa nchi nyingi, Tanzania ikiwa moja wapo.

Katika bara la Afrika, Tanzania imekuwa nchi ya pili kuwa na Sera ya aina hii baada ya Mauritius. Endapo kutatokea upungufu katika matamko na utekelezaji wa Sera yenyewe Wizara ya Afya na Ustawi wa Jamii itakuwa tayari kufanya marekebisho pale yanapohitajika. 

Kwa Serikali, watumishi wa umma na jamii nzima, Sera ya wazee kwa taifa letu ni mwongozo katika kuandaa mipango, utekelezaji na tathmini utoaji huduma kwa wazee. 

Hivyo, Serikali itaendelea kuwaenzi wazee wetu kwa heshima, usalama na maisha bora suala ambalo ni msingi na nguzo kwa maendeleo yetu. Maisha bora yatakuja kama tutawawezesha makundi maalumu katika jamii wakiwemo wazee. 

Kwa kupitia takwimu zilizotolewa na Ofisi ya Takwimu ya Taifa kuhusu sense ya watu na makazi iliyofanyika Agosti 26, 2012 zinaonesha kuwa kuna jumla ya wazee Tanzania ni 2,507,568 sawa na asilimia 5.6 ya Watanzania wote.

Jumla hii inaundwa na wazee wanakiume 1,200,210 sawa na asilimia 5.5 na wanakike 1, 307, 358 sawa na asilimia 5.7 

Tofauti na sense ya watu na makazi ya mwaka 2002 ambapo wazee wazee walikuwa asilimia 4.0

Tasira hii inaonesha kuwa idadi ya wazee nchini imeongezeka kwa tofauti ya asilimia 1.6, tofauti hii inaonesha taswira na mwelekeo kuwa kuwa idadi ya wazee chini wataendelea kuongezeka mwaka hadi mwaka.

Itakumbukwa kuwa tangu mwaka 2002, Tanzania ilipoungana na mataifa mengine duniani kutia saini ya Mkataba wa Kimataifa wa wazee ilikuwa ni kielelezo tosha cha kuwathamini wazee na hivyo kuanza kubuni, kuweka mipango mbalimbali yenye lengo la kuboresha maisha yao

Katika maadhimisho siku ya Wazee Duniani mwaka huu, Kwa upande wake Naibu Waziri wa Afya na Ustawi wa Jamii Dkt. Seif S. Rashid, ametaja kuwa baadhi ya mipango ambayo Serikali imetekeleza ni pamoja na kuwepo kwa Sera ya Taifa ya Wazee iliyotungwa 2003 kwa ajili ya kusimamia mipango na mikakati mbalimbali inayolenga wazee na hivyo kutambuliwa kwao kama kundi pekee na ushiriki wao katika mipango ya maendeleo ya taifa. 

Naibu Waziri Rashid alikiri na kusisitiza kuwa Serikali itaendelea kushirikiana na taasisi za hari, hii ni katika hatua ya kuboresha huduma zitolewazo katika makazi 41 yanayowatunza wazee wenye shida na wasiona ndugu wa kuwatunza hapa nchini.

Akitoa msimamo wa Serikali Naibu Waziri alisema, “Thamani ya mchango wa wazee inatambuliwa na Serikali hasa inapoendelea kuboresha utaratibu wa utoaji matibabu kwa wazee wote bila malipo”.

Eneo hili linaendelea kuboreshwa ili huduma kwa wazee zitolewe bila vikwazo vyovyote.

Kwa kuzingatia Waraka wa Serikali uliotolewa Februari mosi, 2007, Serikali imetoa msamaha wa kodi ya majengo wanayoishi wazee na yasiyokuwa ya biashara.

Ili kulinda usalama wa wazee, Serikali kwa kushirikiana na Wadau wa Maendeleo imeendelea kuchukuahatua kali za kisheria kwa wale wote wanaobainika kujihusisha na mauaji ya wazee.

Vile vile, Serikali itaendelea kuelimisha jamii juu ya madhara yatokanayo na vitendo viovu dhidi ya wazee.

Kwa kutambua mchango mkubwa na umuhimu wa wazee, Serikali imewashirikisha wazee katika kutoa maoni yao katika Rasimu ya Katiba ya Jamhuri ya Muungano wa Tanzania kuhusu masuala yao.

Katika kuwaenzi wazee, ni dhahiri kama taifa litaendelea kunufaika na michango yao, hivyo hatuna budi kuweka mazingira mazuri zaidi ya kuishi ili waendelee kuchangia katika maendeleo ya taifa. 

Kuwepo kwa taifa lenye amani ni matokeo ya misingi mizuri walioijenga wazee wetu tangu hapo awali kwa kuwajali, kuwaenzi watu wote bila kujali umri na hali zao za maisha katika hatua mbalimbali kama zilivyoainishwa na Mwanasikolojia Erick Erickson. 

Mwisho

SAMAHANI KWA PICHA: MAJAMBAZI DAR WAUA POLISI KINYAMA, NAO WAUAWA NA WANANCHI WENYE HASIRA.....

 Mwili wa askari aliyeuawa ukiwa katika chumba cha kuhifadhia maiti cha hospitali ya Temeke

Askari polisi mmoja wa kituo cha polisi Chang'ombe, Mkoa wa kipolisi wa Temeke, ameuawa kikatili siku ya ijumaa mchana baada ya kupigwa risasi ya kifua na majambazi waliokuwa wanajaribu kutoroka baada ya kufanya tukio la kihalifu. Askari hao waliokuwa doria katika eneo la Wailes walijikuta wakishambuliwa kwa risasi na majambazi hao mara baada ya majambazi hao kujaribu kukimbia katika eneo la tukio kwa kutumia usafiri wa pikipiki kipindi ambapo askari polisi walikuwa karibu na eneo la tukio. Hata hivyo wakati askari hao wakijaribu kuwafukuza majambazi hao wawili kwa lengo la kuwakamata ndipo jambazi mmoja alitoa bastola na kumpiga risasi ya kifua askari huyo na kufariki pale pale.

Mwili wa askari huyo ukiwa umehifadhiwa.


Hata hivyo katika harakati za kujaribu kukimbia majambazi hao walianguka na pikipiki waliyokuwa wakitumia ndipo wakaamua kutimua mbio mitaani na kuingia katika nyumba moja ambapo walijificha na kujifanya kama ni wakazi wa eneo hilo, baada ya wnanchi na polisi kufika katika nyumba hiyo, baadhi ya majirani waliwaambia polisi kwamba wameona watu hao wameingia katika nyumba hiyo. Baada ya polisi kuingia waliwakuta watu hao wakiwa wametulia kama kwamba wao ni wakaazi wa nyumba hiyo na wala hawajui lililotokea.

Mwili wa mmoja wa majambazi ukiwa chumba cha kuhifadhia maiti

Baada ya kuwatambua watu hao, polisi waliwatia nguvuni huku wananchi wenye ghadhabu waking'ang'ania kuwa wanataka kuwaua sababu wameshaua askari mmoja. Baada ya vuta nikuvute kati ya wananchi na askari hao ambao walikuwa wachache, wananchi walifanikiwa kuwachukua majambazi hao kwa nguvu kutoka mikononi mwa polisi na kuanza kuwapiga kwa silaha mbalimbali za kienyeji yakiwemo mawe na marungu mpaka watuhumiwa hao wakapoteza maisha.

Mwili wa jambazi mwingine ukiwa umeharibika vibaya baada ya kipigo kikali kutoka kwa wananchi wenye hasira.

Mwili wa askari polisi ukiwa umepakiwa kwenye gari ya polisi tayari kupelekwa hospitali ya Temeke kuhifadhiwa.

Baadhi ya mashuhuda wa tukio hilo waliiambia blogu hii kwamba majambazi hayo kabla ya kupambana na polisi walikuwa wamefanya uvamizi na kumuibia mwanamke mmoja mkazi wa eneo hilo. Hata hivyo mali au fedha iliyoibiwa haikuweza kujulikana mara moja.

TUNDU LISU AWATAJA MAWAZIRI,WABUNGE WALIOOMBAFEDHA

 

Mbunge wa Singida Mashariki (Chadema), Tundu Lissu amewataja kwa majina mawaziri na wabunge aliosema bungeni kuwa wamekuwa ombaomba katika mifuko ya hifadhi ya jamii.

 

Baadhi ya waliotajwa ni pamoja na Mbunge wa Kongwa ambaye pia ni Naibu Spika, Job Ndugai; Waziri wa Nchi Ofisi ya Waziri Mkuu (Sera na Uratibu wa Bunge), William Lukuvi; Naibu Waziri wa Katiba na Sheria, Angela Kairuki na Naibu Waziri wa Maendeleo ya Jamii, Jinsia na Watoto, Pindi Chana na wabunge Betty Machangu (Viti Maalumu), Livingstone Lusinde (Mtera), John Komba (Mbinga Magharibi), Eugen Mwaiposa (Ukonga) na Gudluck Ole Medeye (Arumeru Magharibi).

 

Hata hivyo, gazeti hili halijawataja majina mawaziri na wabunge wengine waliomo kwenye orodha hiyo ya Lissu kwa kuwa hawakupatikana jana kujibu tuhuma hizo.

Mbali na kuwataja kwa majina, Lissu pia ametoa vielelezo vinavyoonyesha jinsi walivyokuwa wakiidhinishiwa malipo kwa nyakati tofauti na Mfuko wa Pensheni kwa Wafanyakazi wa Serikali za Mitaa (LAPF), kwa sababu mbalimbali.

 

Lissu alimwambia mwandishi wetu jana kuwa licha ya kiwango cha fedha kutokuwa kikubwa, lakini kinaweza kusababisha mgongano wa kimasilahi kati ya wajibu wa wabunge kwa umma na masilahi yao binafsi.

 

"Hali hii inaweza kusababisha Bunge likashindwa kutimiza wajibu wake wa kikatiba wa kuisimamia Serikali na taasisi zake," alisema Lissu huku akisisitiza azimio lake la kuwasilisha hoja binafsi kwa Spika wa Bunge ili iundwe tume kuchunguza suala hilo.

 

Mkurugenzi Mkuu wa LAPF, Eliud Sanga jana alikiri kuwa shirika hilo liliidhinisha malipo kwa mawaziri na wabunge hao kwa ajili ya shughuli mbalimbali za maendeleo.

 

Hata hivyo, alisema shirika hilo halitoi fedha taslimu, bali hununua vitu ambavyo viliombwa na viongozi hao kwa ajili ya kusaidia wananchi na si kufanya biashara.

Sakata lenyewe

 

Akizungumzia jinsi mawaziri na wabunge hao walivyosaidiwa, Lissu alisema LAPF ilitoa Sh2.5 milioni kwa ajili ya mradi wa madarasa Jimbo la Kongwa linaloongozwa na Ndugai.

 

Alipoulizwa kuhusu madai hayo, Ndugai alisema hakuna tatizo lolote kwa mbunge kupewa msaada na mfuko wa kijamii.

 

"Huyo Lissu ana upungufu mkubwa. Hivi LAPF ikisaidia Sh2 milioni kwa ujenzi wa darasa unaogharimu Sh10 milioni ni tatizo hilo? Nchi hii inakwenda wapi jamani, siyo kila kitu wanachozungumza wapinzani ni hoja, kama LAPF wangekuwa wanatoa fedha lingekuwa tatizo lakini wanasaidia vifaa tu."

CHANZO:MWANANCHI